Новости

У суботу і нядзелю ў Полацку пакажуць «Шторм. Палаючы ліст»

У суботу і нядзелю ў Полацку пакажуць «Шторм. Палаючы ліст»

Добавлено: 31 октября 2017 в 16:46
509 просмотров

У бліжэйшы ўік-энд, 4 і 5 лістапада, у полацкім кінатэатры «Радзіма» прадэманструюць стужку «Шторм: палаючы ліст». Сусветная прэм’ера ўпершыню выходзіць у шырокі пракат выключна па-беларуску з нагоды 500-годдзя беларускага кнігадрукавання. 

Фільм прадэманструюць у вялікай зале полацкага кінатэатра «Радзіма» (вул.Свярдлова, 5) 4 лістапада ў 19:00 і 5 лістапада ў 15:00. Кошт квітка — 5 рублёў. 

«Шторм: палаючы ліст» (па-нідэрландску — «Storm: Letters van Vuur») — сямейны прыгодніцкі фільм 2017 года рэжысёра Дэніса Ботса. У сярэднявечным Брабанце бацька Шторма Вутэна трапляе ў рукі інквізіцыі за друкаванне забароненага памфлету Марціна Лютэра. 12-гадовы Шторм захоўвае арыгінальны ліст і, працягваючы бацькаву справу, таксама становіцца аб’ектам палявання. З дапамогай сіраты Марыке, якая жыве ў калектарах, Шторм спрабуе выратаваць свайго бацьку ад спалення на вогнішчы. 

Ролю бацькі хлопчыка выканаў Ёрык ван Вахэнінген, які раней здымаўся ў «Хроніках Рыдыка», «Дзяўчыне з татуіроўкай дракона» і «47 ронінах».

Паказ стужкі адбудзецца ў межах праекта Андрэя Кіма «Беларускія ўікэнды» супольна з мабільным аператарам velcom і правайдэрам «Атлант-Тэлекам». 

Плануецца, што на наступным тыдні «Шторм: палаючы ліст» будзе дэманстравацца і ў малой зале кінатэатра.


Оставить комментарий:

Комментировать новости могут только зарегистрированные пользователи.

Пожалуйста, зарегистрируйтесь или авторизуйтесь!

Мы в социальных сетях

Разработка дизайна Narisuemvse.by, разработка сайта 0214.BY